TCF dhe Mendje: Bashkë për shëndetin mendor të fëmijëve në nevojë

Kujdesi për mendjen e një fëmije është kujdes për të ardhmen

Çdo fëmijë meriton të ndihet i dëgjuar, i mbrojtur dhe emocionalisht i qëndrueshëm. Me këtë bindje të përbashkët, Trust Circle Foundation (TCF) dhe platforma Mendje kanë bashkuar forcat për të ofruar mbështetje psikologjike për fëmijët pa kujdes prindëror në Kosovë.

25 seanca që sollën dritë në jetën e fëmijëve

Përmes këtij bashkëpunimi, platforma Mendje ofroi 25 seanca psikologjike falas, të cilat zhvillohen nga profesionistë të licencuar të shëndetit mendor. Këto seanca ndihmojnë fëmijët të përballen me ndjenjat e ankthit, stresit dhe traumave nga e kaluara, duke ndërtuar një bazë më të shëndetshme emocionale për të ardhmen e tyre.

Një falënderim i veçantë shkon për ekipin e platformës Mendje, që me përkushtim dhe profesionalizëm janë bërë pjesë e ndryshimit pozitiv. Ndihma e ofruar është jo vetëm profesionale, por edhe e mbushur me empati dhe mirëkuptim – dy elemente të pazëvendësueshëm në punën me fëmijë.

Si mund të ndihmoni?

Ky bashkëpunim është vetëm fillimi. Nëse dëshironi të bëheni pjesë e misionit për të përmirësuar jetën e fëmijëve pa kujdes prindëror, ju mund të kontribuoni në forma të ndryshme:

Ju mund të ndihmoni direkt përmes:

• Pakove të mbështetjes
• Sponsorizimeve
• Ofrimit të shërbimeve pa pagesë

Bëhu pjesë e rrethit të besimit!